Albin Kurti \u00ebsht\u00eb pyetur gjat\u00eb nj\u00eb inaugurimi k\u00ebt\u00eb t\u00eb enjte, mbi shtyrjen e afatit p\u00ebr vendim n\u00eb lidhje me ish krer\u00ebt e U\u00c7K q\u00eb ndodhen n\u00eb paraburgim n\u00eb Hag\u00eb. Kurti u shpreh se qeveria e Kosov\u00ebs u informua nga mediat n\u00eb lidhje me vendimin e panelit t\u00eb gjykat\u00ebsve n\u00eb Hag\u00eb.<\/p>\n
\u201cSa i p\u00ebrket Gjykat\u00ebs Speciale dhe shtyrjes p\u00ebr dy muaj t\u00eb vendimit, ne e mor\u00ebm vesh nj\u00ebsoj sikurse ju, p\u00ebr shkak se qeveria nuk ka qasje n\u00eb dinamikat dhe zhvillimet q\u00eb ndodhin n\u00eb Gjykat\u00ebn Speciale, e cila nuk karakterizohet nga transparenca ndaj vendit ton\u00eb. Kosova ka nevoj\u00eb p\u00ebr gjykata normale, jo p\u00ebr gjykata speciale. 3 gushti i vitit 2015 \u00ebsht\u00eb nd\u00ebr dit\u00ebt m\u00eb t\u00eb r\u00ebnda t\u00eb Kosov\u00ebs s\u00eb pavarur\u201d tha Kurti.<\/p>\n
Sipas tij Kosova ka nevoj\u00eb p\u00ebr gjykata normale dhe jo speciale si ajo me t\u00eb cil\u00ebn po p\u00ebrballen Hashim Tha\u00e7i dhe ish krer\u00ebt e tjer\u00eb t\u00eb Ushtris\u00eb \u00c7lirimtare t\u00eb Kosov\u00ebs.<\/p>\n
\u201cLufta e U\u00c7K-s\u00eb ishte dhe gjithmon\u00eb do t\u00eb m\u00ebsohet n\u00eb histori si luft\u00eb e drejt\u00eb kund\u00ebr nj\u00eb okupatori gjenocidal. Ishte luft\u00eb antikolonialiste. Ky ishte gjenocidi i kat\u00ebrt q\u00eb ka b\u00ebr\u00eb Serbia ndaj popullit ton\u00eb. U\u00c7K-ja, si pjes\u00eb e luft\u00ebs \u00e7lirimtare, \u00ebsht\u00eb nj\u00eb luft\u00eb q\u00eb gjithmon\u00eb duhet t\u00eb kujtohet, t\u00eb mbrohet dhe t\u00eb m\u00ebsohet. \u00cbsht\u00eb e domosdoshme q\u00eb t\u00eb nxirren m\u00ebsimet nga gabimet politike q\u00eb jan\u00eb b\u00ebr\u00eb dhe q\u00eb na kan\u00eb sjell\u00eb n\u00eb k\u00ebt\u00eb situat\u00eb. Ne kemi nj\u00eb gjykat\u00eb speciale q\u00eb i vonon vendimet e saj. Besojm\u00eb n\u00eb drejt\u00ebsin\u00eb e luft\u00ebs dhe pafaj\u00ebsin\u00eb e krer\u00ebve t\u00eb U\u00c7K-s\u00eb q\u00eb vazhdojn\u00eb t\u00eb mbahen padrejt\u00ebsisht n\u00eb Hag\u00eb\u201d u shpreh Kurti.<\/p>\n
Gjykata Speciale konfirmoi k\u00ebt\u00eb t\u00eb m\u00ebrkur\u00eb se paneli I gjykat\u00ebsve vendosi t\u00eb shtyj\u00eb p\u00ebr n\u00eb 20 Korrik dat\u00ebn p\u00ebr dh\u00ebnien e nj\u00eb vendimi ndaj ish krer\u00ebve t\u00eb U\u00c7K me arsyetimin se \u00e7\u00ebshtja ndaj tyre \u00ebsht\u00eb voluminoze dhe komplekse. N\u00eb t\u00eb nj\u00ebjt\u00ebn koh\u00eb, \u2018Sepcialja\u201d ka l\u00ebn\u00eb t\u00eb hapur mund\u00ebsin\u00eb edhe p\u00ebr shtyrje t\u00eb tjera. Akuza ka k\u00ebrkuar p\u00ebr Tha\u00e7in, Krasniqin, Selimin dhe Veselin d\u00ebnim me 45 vite burg.<\/p>\n