Një polic i antidrogës është në mesin e të arrestuarve në aksionin e sotëm që po zhvillohet në Prishtinë, Fushë Kosovë dhe Obiliq.
Burime të Indeksonline bëjnë të ditur se në pranga ka rënë edhe Artan Shala, polic i antidrogës. I arrestuar është edhe polici i NJRSH-së, Vlonjat Behrami.
Sipas dyshimeve fillestare dhe veprimeve hetimore të ndërmarra deri në këtë fazë të hetimeve, të dyshuarit në bashkëveprim, dyshohen se janë përfshirë në aktivitete kriminale që lidhen me përfitime të kundërligjshme pasurore, përmes falsifikimit të dokumenteve pronësore dhe ndryshimit të paligjshëm të pronarëve të tyre./Indeksonline/
